काठमाडौं । नेकपा एमालेका अध्यक्ष केपी शर्मा ओलीले नेकपा एसका अध्यक्ष माधवकुमार नेपालसँगको तस्बिर शेयर गरेका छन् ।
सामाजिक सञ्जाल फेसबुकमा ओलीले आज बसेको प्रतिनिधिसभा अन्तर्गतको अन्तर्राष्ट्रिय सम्बन्ध र पर्यटन समितिको बैठकका तीन तस्बिर भनेर शेयर गरेका छन् ।
‘आज बसेको प्रतिनिधिसभा अन्तर्राष्ट्रिय सम्बन्ध र पर्यटन समितिको बैठकका तीन तस्बिर, शुभसन्ध्या’, उनले तस्बिरको क्याप्सनमा लेखेका छन् ।
तस्बिरमा दुवैजना हँसिलो मुद्रामा देखिएका छन् ।
तत्कालीन नेकपा फुटेपछि माधव नेपाल अलग भएर नेकपा एस खोलेसँगै ओली र नेपालबीचको दूरी बढेको थियो । एक अर्कालाई कटाक्ष गर्दै विभिन्न आरोप लगाउँदै आएका उनीहरु आज निकै लामो समयपछि एकै ठाउँमा देखिएका हुन् । त्यसैको तस्बिर ओलीले आफ्नो फेसबुकमार्फत शेयर गरेका हुन् ।
प्रतिक्रिया