काठमाडौं । ग्रिसको एक जंगलमा आगलागी हुँदा १९ हजार स्थानीयलाई सुरक्षित स्थानमा स्थानान्तरण गरिएको छ । थप नागरिकलाई स्थानान्तरण गर्ने काम भइरहेको बीबीसीले जनाएको छ ।
गत मंगलबारदेखि तीव्र गतिको हावासँगै जंगलको आगो फैलिइरहेको छ ।
पर्यटकीय क्षेत्र रोड्स द्वीपबाट १९ हजार मानिसलाई स्थानान्तरण गरिएको हो । अर्को कोर्फु द्वीपबाट पनि नागरिकलाई स्थानान्तरण गर्न सुरु गरिएको समाचारमा उल्लेख छ ।
ग्रिसको आपतकालीन सेवाले कोर्फु द्वीपका आधा दर्जन बस्ती खाली गराउन निर्देशन दिइसकेको छ ।
ग्रिसको जलवायु संकट र नागरिक सुरक्षा मन्त्रालयले समयमै प्रभावित क्षेत्रबाट स्थानीयलाई सारिएकाले आगलागीबाट मानवीय क्षति भने नभएको जनाएको छ ।
प्रतिक्रिया