जेठ-१२
काठमाडौँ महानगरपालिकाको प्रमुख बालेन्द्र साहले यही जेठ १३ गते विशेष सरसफाइ कार्यक्रममा सहभागी हुन सरोकारवाला सबैलाई आग्रह गर्नुभएको छ ।
स्थानीय निर्वाचन २०७९ बाट निर्वाचित जनप्रतिनिधिले पदबहाली गरेको एक वर्ष पूरा भएको अवसरमा महानगरले बृहत सरसफाइ कार्यक्रम आयोजना गर्न लागेको हो ।
शनिबार बिहान ७ देखि १० बजेसम्म विशेष सरसफाइ कार्यक्रम आयोजना गरिदैछ ।
उक्त कार्यक्रममा सहयोग र समन्वय गर्न प्रमुख साहले ३२ वटै वडाका जनप्रतीनिधिहरुलाई पत्रमार्फत अनुरोध गर्नुभएको छ ।
सरसफाइ गरिने स्थानको छनोट र आवश्यक सामग्री वडाले उपलब्ध गराउनेछन् ।
संकलित फोहर उठाउने तथा अन्तिम व्यवस्थापन गर्ने काम महानगरको वातावरण विभागले निजी क्षेत्रको सहयोगमा गर्नेछ ।
प्रतिक्रिया