मेसीविनाको इन्टर मियामी यूएस ओपन कपको फाइनलमा पराजित

काठमाडौं । नियमित कप्तान लियोनल मेसी अनुपस्थित खेलमा इन्टर मियामी यूएस ओपन कपको फाइनलमा हस्टन डाइनामोसँग पराजित भएको छ ।

बिहीबार घरेलु मैदान डीआरभी पीएनके रंगशालामा सम्पन्न खेलमा मेसी नहुँदा इन्टर मियामी २–१ ले पराजित भएको हो । मेसीले चोटका कारण फाइनल गुमाउँदा टिममा रक्षक जोर्डी अल्बा पनि अनुपस्थित थिए ।

त्यसको ९ मिनेटपछि बासीले गोल गर्दै डाइनामोको अग्रता दोब्बर बनाएका थिए । इन्जुरी समयमा इन्टर मियामीका जासेफ मार्टिनेजले गोल फर्काउँदै खेलमा फर्काउने प्रयास गरे पनि सफल हुन सकेनन् ।

इन्टर मियामीले अब अगस्ट १ मा मेजर लिग सकर (एमएलएस) मा न्यूयोर्क सिटीसँग खेल्नेछ । सोही दिन डाइनामोले पनि लिगमा एफसी डल्लासविरुद्ध खेल्नेछ ।