नेपाल सुपर लिग एनएसएलमा आज पनि एक खेल हुने छ ।
त्रिपुरेश्वरस्थित दशरथ रंगशालामा आज अपरान्ह ५ बजे हुने खेलमा एफसी चितवन र एफसी बुटवल आमने सामने हुने छन् ।
जारी प्रतियोगितामा चितवन पाँचौं र बुटवल सातौं स्थानमा रहेको छ । आजको खेलमा चितवन विजयी भए तेस्रो तथा बुटवल विजयी भए चौथो स्थानमा उक्लने छ ।
चितवनले अहिलेसम्म ३ खेल खेल्दा १ मा जित १ मा बराबरी र १ खेलमा हारको सामना गर्दै ४ अंक जोडेको छ भने बुटवलले ३ खेल खेल्दा १ मा जित र २ खेलमा पराजय भोग्दै ३ अंक मात्रै बनाएको छ ।
एनएसएलमा पोखरा थन्डर्स ८ अंकका साथ शीर्ष स्थानमा रहँदा धनगढी एफसी ७ अंकका साथ दोस्रो स्थानमा छ ।
यसैगरी ललितपुर सिटी ६ अंकका साथ चौथो स्थानमा रहँदा काठमाडौं रेजर्स ५ अंकका साथ तालिकाको पाँचौं स्थानमा छ ।
प्रतिक्रिया