खाना पकाउने ग्यास सिलिण्डर विस्फोट हुँदा नेपाली काँग्रेसका नेता तथा प्रतिनिधि सभाका सांसद चन्द्र भण्डारीसहित उनकी आमा हरिकला भण्डारीगम्भीर घाइते भएकी थिईन । भण्डारी गुल्मी १ बाट निर्वाचित प्रतिनिधि सभा सदस्य हुन् ।
उनको निजी निवास काठमाडौंको नयाँ वानेश्वर बुद्धनगरमा गएराति भएको विस्फोटमा सांसद भण्डारी र उनकी ८६ वर्षीया आमा गम्भीर घाइते भएका थिए ।
उनीहरु ग्याँस विस्फोटमा परि दुवै जनाको कीर्तिपूरस्थित बर्न सेन्टरमा उपचारका लागि लगिएको थियो । चिकित्सकका अनुसार चन्द्र भण्डारीको शरीरको केही भाग जलेको थियो भने उनकी आमाको करिब ७० प्रतिशत शरीर जलेको थियो ।
मेडिकल डाइरेक्टर डा. निजिना ताम्राकारका अनुसार उपचारको क्रममा सांसद चन्द्र भण्डारीकी आमाको १०:५७ बजे निधन भएको छ ।
सांसद भण्डारीको सोही अस्पतालमा उपचार भइरहेको छ । उनलाई थप उपचारका लागि भारत लैजाने तयारी गरिएको छ।
प्रतिक्रिया