११ आश्विन २०८१, शुक्रबार | September 27, 2024

भ्रष्टाचारमुद्दामा हालसम्मकै सबैभन्दा बढी विगो ,४ अर्ब १० करोड ४६ लाख ९७ हजार ८९८ रुपैंया जरिवाना ९ वर्ष कैद



असार-०५

विशेष अदालतले बहुचर्चित कर फर्छ्यौट आयोगको भ्रष्टाचारमुद्दामा हालसम्मकै सबैभन्दा बढी विगो, जरिवाना र सजाय निर्धारण गरेको छ ।

अध्यक्ष श्रीकान्त पौडेल, सदस्यहरु यमुना भट्टराई र शालिग्राम कोइरालाको इजलासले कर फर्छ्यौट आयोगका अध्यक्ष लुम्बध्वज महतलाई ९ वर्ष १ महिना, सदस्य उमेश ढकाल र सदस्य सचिव भएर काम गरेका आन्तरिक राजस्व विभागका महानिर्देशक चुडामणी शर्मालाई ९ वर्ष कैद सजाय हुने फैसला गरेको हो ।

विशेष अदालतले यसअघि नै उनीहरुमाथि ६ अर्ब १५ करोड ७० लाख ४६ हजार ८४७ रुपैयाँ कुल विगो कायम गरेको थियो । दामासाहीले हेर्दा हरेकले २ अर्ब ५ करोड ४६ लाख ९८ हजार ९४९ रुपैयाँ विगो तिर्नुपर्ने विशेष अदालतका प्रवक्ता दिपेन्द्रनाथ योगीले बताए ।

राजस्व चुहावटको मुद्दामा दोब्बर सजाय हुने भएकाले उनीहरुले ४ अर्ब १० करोड ४६ लाख ९७ हजार ८९८ रुपैंया जरिवाना तिर्नुपर्नेछ । विगो र जरिवाना गरेर हरेकको भागमा ६ अर्ब १६ करोड ४० लाख ९६ हजार ८४७ रुपैयाँ तिर्नुपर्नेछ ।

प्रकाशित मिति : ५ असार २०८०, मंगलबार  ६ : ०२ बजे