काठमाडौं- आइसिसी टी-२० विश्वकप एसिया क्षेत्र छनोटमा मलेसियाले नेपाल विरुद्ध टस जितेर पहिले ब्याटिङ गर्ने भएको छ।
टियु क्रिकेट मैदानमा भएको टसमा मलेसियाका कप्तान अहमद फैजले टस जितेर पहिला ब्याटिङ गर्ने निर्णय गरेका हुन्।
नेपालले पहिलो खेलमा सिंगापुरलाई ८ विकेटले हराउँदै प्रतियोगितामा विजयी सुरुवात गरेको छ। मलेसिया भने ओमानसँग ३२ रनले पराजित भएको थियो। घरेलु टोली नेपाल लगातार दोस्रो जितको खोजीमा रहेको छ।
नेपाल आजको खेलमा विजयी भएमा सेमिफाइनलमा पुग्ने समीकरण बनेको छ।
आजको पहिलो खेलमा ओमानले सिंगापुरलाई २२ रनले हराएसँगै नेपालले मलेसियालाई हराएमा सेमिफाइनल समीकरण पुरा भएको हो। नेपाल विजयी हुँदा समूह ‘ए’ बाट ओमान पनि सेमिफाइनलमा पुग्ने छ।
नेपालले आजको खेलमा कुनै परिवर्तन गरेको छैन। दीपेन्द्रसिंह ऐरीको स्थानमा विवेक यादवलाई निरन्तरता दिएको छ।
प्रतिक्रिया